Anzeige

Hamburger Abendblatt: die Platt-Macher

Zu Weihnachten überrascht das Hamburger Abendblatt seine Leser mit einem Plattdeutsch-Teil. Wer die Sprache beherrscht oder lernen will, kann den kompletten Hamburg-Teil der heutigen Ausgabe in der norddeutschen Mundart lesen. MEEDIA hat deshalb mit den Platt-Machern Peter Nissen und Hartmut Cyriacks gesprochen - auf Plattdeutsch natürlich. De beiden schriev suns Stücke fört Ohnsorg-Theater und sek, dat Plattdüütsche belev een Renaissance in 'ne Medien. Neeschierig?

Anzeige

Hamborg-Deel von’t Hamburger Abendblatt op plattdüütsch. Dor wart junge Leeser doch komplett utgrenzt, oder?
Worüm dat denn? Beter as mit ´n plattdüütschen Hamborg-Deel vun’t Abenblatt kann ´n de Lüüd doch gor nich an de plattdüütsche Sprook ranbringen. Un denn noch so veel op een Slag. Un ik bün mi seker, dat dor ganz veel junge Lüüd mank sünd. Un denn is dat förwiss ok so, dat ok veel junge Lüüd dor Spooss an hebbt, dat plattdüütsche Abendblatt tohoop mit ehr Öllern to lesen.
Belev dat Plattdüütsche een Renaissance in ’ne Medien?
Wat Medien, also Böker, Radio un Musik angeiht, bün ik mi dor ganz seker. Wenn ´n an de Asterix-Böker denkt, de wi öbersett hebbt. Harry Potter op Platt. Oder de velen plattdüütschen Böker, de op ´n Markt sünd. Oder nehmt Ina Müller, de mit ’n plattdüütsche CD in de Charts komen is. Oder Radio: De plattdüütschen Norichten op NDR 90,3 hebbt gode Inschaltquoten. Un denn natürlich de gewaltige Erfolg vun de Abendblatt-Böker "Sprechen Sie Hamburgisch?" Dat sünd doch allens Bewiesen, wo wichtig so’n regionole Sprookidentität is.
Wo könt Plattdüütsch-Interessierte sik över de Sprook informeeren oder sik ünnerholen laten?
De bekannteste Adress is in Hamborg natürlich dat Ohnsorg-Theater. Ober denkt wi dorbi ok an de plattdüütsche Kolumne jeedeen Deensdag in’t Hamburger Abendblatt. Dor gifft dat jo ok dat schöne Tohooparbeiten mit  NDR 90,3. De Texte, de morgens bi uns in’t Blatt stoht, kannst densülbigen Dag noch in’t Radio hören.
Worum sind Mundoorten wichtig vör de düütsche Sprook?
De sorgt för ´n regionole Identität! Un de is förwiss jüst in uns globaliseerte Welt ganz wichtig.

Anzeige

Dein Kommentar

Deine E-Mailadresse wird nicht veröffentlicht.

*

Anzeige